ხარვეზის შევსების შესახებ

საქართველოს უზენაესი სასამართლოს ადმინისტრაციულ საქმეთა პალატის მოსამართლეს,
ქალბატონ ნინო ქადაგიძეს

განმცხადებელ გიულუ პაშაევას წარმომადგენლის ადვოკატ რევაზ რიჟამაძის, მისამართი ქ. თბილისი, იაშვილის ქ.#3/ ჩაიკოვსკის ქ. #8; ტელ 593 32 09 33.

გ ა ნ ც ხ ა დ ე ბ ა
ხარვეზის შევსების შესახებ

ქ. თბილისი 23 ივნისი 2011 წელი
საქმე#ბ-1169-6(ა-11) განჩინება ჩაიბარა გ. პაშაევას წარმომადგენელმა რევაზ
რიჟამაძემ 2011 წლის 14 ივნისს, ხარვეზის შევსებისათვის
განსაზღვრულია 10 დღე განჩინების ჩაბარებიდან.

2011 წლის 27 მაისის განჩინებაზე <<ხარვეზის შესახებ>> მოგახსენებთ, რომ გიულუ პაშაევამ საქმის არსებითი განხილვის დასრულების შემდეგ გარიგება გააფორმა ახალ წარმომადგენელ რევაზ რიჟამაძესთან, რომელმაც საქმის გაცნობის შემდეგ(იხ დანართი: საქმის გაცნობის წერილი) მიზანშეწონილად ჩათვალა შეეტანა განცხადება დმანისის მუნიციპალიტეტის საკრებულოში დმანისის რაიონის ქვემო ორუზმანის თემის საკრებულოს 2000 წლის 17 ნოემბრის დადგენილების ძალადაკარგულად გამოცხადების მოთხოვნით, რომლითაც მეხტი ალაზოვს გადაეცა სადავო საცხოვრებელ სახლსა და მიწის ნაკვეთზე საკუთრების უფლება( იხ. დანართი: დმანისის მუნიციპალიტეტის საკრებულოს ბიუროს სხდომისელექტრონულიოქმი,იხ.ასევე,ელექტრონულადმისამართზე:http://www.lsg.ge/uploadedFiles/files/dmanisis%20sakrebulos%20biuros%20sxdomis%20okmi%20%20%E2%84%967.pdf).
ამავე ადმინისტრაციული წარმოების განხილვის ფარგლებში დმანისის მუნიციპალიტეტის საკრებულოს მიერ ბოლნისის რაიონული სასამართლოს გაეგზავნა განცხადება დმანისის რაიონული სასამართლოს 2009 წლის 22 აპრილის გადაწყვეტილების განმარტების თაობაზე, რაზეც შემდგომში ჩვენი მხარის კერძო საჩივრის საფუძველზე ასევე იმსჯელა თბილისის სააპელაციო სასამართლოს ადმინისტრაციულ საქმეთა პალატამ(იხ. დანართი: თბილისის სააპელაციო სასამართლოს ადმინისტრაციულ საქმეთა პალატის 2011 წლის 17 თებერვლის განჩინება, საქმე#3ბ/2867-10). კერძოდ სააპელაციო სასამართლოს 2011 წლის 17 თებერვლის განჩინებაში ნათქვამია: ,,პალატა მიუთითებს, რომ დმანისის რაიონული სასამართლოს 2009 წლის 22 აპრილის გადაწყვეტილებით დამდგარი სამართლებრივი შედეგის შეცვლის საპროცესო შესაძლებლობა განსაზღვრულია საპროცესო კოდექსის სხვა დანაწესებით, რაც მოცემულ შემთხვევაში მხარეს არ განუხორციელებია(იხ. განჩინება, გვ. 5 აბზაცი მე-2).
სააპელაციო პალატის ზემოაღნიშნულმა მითითებამ გვაფიქრებინა დამატებით გამოგვერკვია ის ფაქტობრივი გარემოებები, რის გამოც დმანისის რაიონული სასამართლოს გადაწყვეტილება ძალაში იქნა შესული, რის საფუძველზეც ადვოკატ რევაზ რიჟამაძესა და გიულუ პაშაევას ნათესავ ბახრამ მურადოვს შორის 2011 წლის 27 აპრილს გაფორმდა იურიდიული მომსახურების შესახებ ხელშეკრულება, რომლითაც ადვოკატ რევაზ რიჟამაძეს დაევალა საქართველოს უზენაესი სასამართლოს 2009 წლის 11 სექტემბრის განჩინების შესწავლა და ახლად აღმოჩენილ გარემოებათა გამო საქმეზე #ბს-985-943(კს-09)წარმოების განახლების მიმართულებით იურიდიული მომსახურების გაწევა(იხ. დანართი_ 27.04.2011. ხელშეკრულება იურიდიული მომსახურების გაწევის შესახებ).
ამ პერიოდში იმ საკითხების გასარკვევად ზურაბ ჯორბენაძეს გააჩნდა თუ არა საადვოკატო ბიურო და ადვოკატი ალექსანდრე ასაკიშვილი იყო თუ არა მისი თანამშრომელი, გარკვეული ხანი ვერ მოხერხდა, რადგან ზურაბ ჯორბენაძე იმყოფებოდა თავისუფლების აღკვეთის ადგილებში(იხ. დანართი, ცნობა საქართველოს შსს საიტიდან მისამართიდან http://www.police.ge/index.php?m=8&newsid=1149). ხოლო თავად ალექსანდრე ასაკიშვილის მისამართი და სხვა საკომუნიკაციო საშუალებები ჩვენთვის უცნობი იყო. 2011 წლის აპრილის თვის ბოლო რიცხვებში შესაძლებელი გახდა ზურაბ ჯორბენაძესთან დაკავშირება, რის შემდეგაც მივწერეთ ოფიციალური განცხადება(შეკითხვები) ჩვენთვის საინტერესო საკითხებზე(იხ. დანართი _ განცხადება ადვოკატ ზურაბ ჯორბენაძის სახელზე); ანუ ადვოკატი ალექსანდრე ასაკიშვილი 2009 წლის 23 ივლისისათვის წარმოადგენდა თუ არა მის თანამშრომელს _ მასთან შრომით-სამართლებრივ ურთიერთობაში მყოფ პირს, დადებით შემთხვევაში რა ფუნქციების შესრულება ევალებოდა მას. ასევე ეცნობებინა, მითითებულ პერიოდში გააჩნდა თუ არა საადვოკატო ბიურო, თუ საადვოკატო საქმიანობას ახორციელებდა ინდივიდუალურად ფიზიკური პირის სტატუსით, რაზეც 2011 წლის 07 მაისს მივიღეთ პასუხი, რაც ახლავს ჩვენს განცხადებას.
ყოველივე ზემოაღნიშნული მიუთითებს, რომ გიულუ პაშაევასათვის და მისი ამჟამინდელი წარმომადგენლისათვის იმ ახლად აღმოჩენილი გარემოების შესახებ, რომ საქართველოს უზენაესი სასამართლოს ადმინისტრაციულ და სხვა კატეგორიის პალატის 2009 წლის 11 სექტემბრის განჩინება გიულუ პაშაევას წარმომადგენლის _ ზურაბ ჯორბენაძის კერძო საჩივრის განუხილველად დატოვების თაობაზე არ ჩაბარებია საქართველოს სამოქალაქო საპროცესო კოდექსის 70-78 მუხლებით განსაზღვრულ პირებსა და წესით, ადრინდელ პერიოდში დასახელებულ ობიექტურ პირობებსა და ვითარებაში გიულუ პაშაევასათვის ვერ გახდებოდა ცნობილი.
გთხოვთ, განიხილოთ წინამდებარე განცხადება, მასზე დართული მტკიცებულებების ანალიზით და ცნოთ დასაშვებად გიულუ პაშაევას 2011 წლის 16 მაისის #ბ-1169-11 განცხადება ახლად აღმოჩენილ გარემოებათა გამო საქმის წარმოების განახლების შესახებ.

დანართი: ,, ” ფურცლად.

გიულუ პაშაევას წარმომადგენელი რევაზ რიჟამაძე